Cor d'iffaunts "las Filomelas da Samedan"

Important per nus es d’avair bger plaschair e giodimaint vi dal chanter e da passanter bels mumaints in cumpagnia.

Nus spordschains duos gruppas. Tuottas duos haun üna vouta l’eivna prouva.

Las Filomelas Mini (Scoulina – 2a classa) vegnan mnedas da Duonna Selina Bontognali, las Filomelas Midi (3a-6evla classa) da Duonna Susan Steffen-Scheidegger. Tuottas duos mnedras dirigian daspö bgers ans cors illa regiun ed haun perque grand’experienza.

Las Filomelas Mini chauntan impustüt chanzuns ad üna ed a duos vuschs e canons. Sper chanzuns rumauntschas vegnan eir chantedas chanzuns in otras linguas. La tscherna da las chanzuns es decisiva per svaglier il plaschair e’l gust da chanter.

Illa gruppa Filomelas Midi vegnan resguardedas eir bunas idejas e propostas dals iffaunts. Rock, pop, gospels ed oter pü nu dessan gnir a la cuorta.

Las Filomelas as preschaintan düraunt l’an a differentas occurrenzas in vschinauncha ed utrò.

Düraunt üna fin d’eivna ho lö il champ da chaunt a Magliaso. El es il «highlight» e prepara als iffaunts pel concert annuel da la fin da gün.