Chalandamarz

Il ChaIandamarz e’l bal sun occurrenzas obligatoricas da la scoula. Il cortegi ho lö minch’an ils 1. marz, il bal la sanda chi segua.

1. Tröps

A do 4 tröps chi vaun tres vschinauncha. Mincha tröp vain mno d’ün mat e dad üna matta. Els haun la rolla dal sain/saina u dal chaschier/chaschiera. In mincha tröp sun ca. 50 iffaunts.

2. Caricas

Ils giuvenils da l’ultima classa clappan la carica tenor data da naschentscha e quantited dad ans passantos a la scoula cumünela u in ün’otra scoula da successiun. La spartiziun exacta vain fatta tenor cunvegna culs giuvenils.

A do las seguaintas caricas:

  • Sain & Saina
  • Patrun & Patruna
  • Chaschier & Chaschiera
  • Chavals
  • Prüm Pester & Prüma Pestra
  • Pesters & Pestras

Ils iffaunts da primara sun «vachas».

3. Cortegi

Lö d’inscunter: 06:45 Plazza da scoula

Posa da mezdi: ca. 12:10 – 13:30

Finischun: ca. 16.30 Plazza da scoula

La ruta e’ls temps vegnan publichos a temp sülla pagina d’internet da la scoula.

4. Rösas

Tuot ils scolars e tuot las scolaras faun svess lur “rösas” a chesa. (guarda inviamaint)

Per dumandas staun las persunas d’instrucziun gugent a dispusiziun. Per fer la polonaise düraunt il bal dumandan ils iffaunts vicendaivel per ch minchün/a hegia ün partenari/partenaria per suter. Scu gest barattane üna pitschna rösa pel bal.

5. Materiel/Vstieus

S-chellas: Minch’iffaunt da la 1a – 6evla classa drouva üna s-chella, chi stu gnir organiseda svess. Pel cortegi portan ils iffaunts üna blusa da pur blova ed üna chapütscha cul püschel cotschna. Il vstieu vain decoro cun rösas. Als giuvenils cun caricas (7evla-9evla classa) vegnan miss a dispusiziun da la scoula vstieus ed oter materiel. Els vegnan infurmos dalum. Las mattas da l’ultim an stöglian organiser svess ün costüm da festa engiadinais pel Bal da Chalandamarz.

6. Bal

A Samedan ho lö il bal adüna la sanda zieva ils 1. marz. El düra da las 18.00 fin ca. a las 23.00. Las classas speras preparan üna producziun da teater. Il bal cumainza culla producziun; zieva sotan tuot ils iffaunts accumpagno da musica populera; a la fin dal bal sotane la polonaisa cun lur partenari u partenaria. Al bal sun ils iffaunts vstieus festiv. La Giuventüna da Samedan spordscha bavrandas e snacks, ils iffaunts clappan ün bun per manger e baiver.

Ils scolars e las scolaras da l’8evla classa güdan a la fin a rumir la sela.

Inviamaint: Rösas

Be auncha

dis

fin al
prossem
Chalandamarz