Structuras da di

Daspö l’an da scoula 2008/2009 mettains nus a disposiziun als scolars e scolaras, scu eir als scolarins, üna maisa da mezdi superviseda da las 12.00h fin las 13.50h.

Las scolaras ed ils scolars paun piglier lur egen manger, haun però eir la pussibilited da tscherner il menü da nos caterer. Annunzchas a cuorta vista sun pussiblas. Per ulteriuras dumandas Als giavüschains da piglier sü contact cul secretariat.

Las structuras da di vegnan realisedas in lündeschdi, mardi, gövgia e venderdi.

Las structuras da di supplementeras staun a disposiziun a tuot las scolaras e scolars da la scoula cumünela da Samedan.

Ellas cumainzan a las 14.00 e glivran il pü tard a las 18.00. La dumanda per telas structuras vain eruida minch’an aunz il cumanzamaint da l’an da scoula. Ellas vegnan spüertas, scha que do almain och annunzchas per zievamezdi.

Ils temps d’arriv e da partenza sun adattos a l’urari e paun gnir tschernieus correspundentamaing. L’annunzcha es e resta impegnativa per ün semester.

Ils genituors surpiglian üna pitschna part dals cuosts.

Infurmaziuns pü detagliedas davart las structuras da di supplementeras survegnan Ellas/Els dal secretariat da la scoula cumünela da Samedan.

Nus ans allegrains da Lur telefon.

Contact: 081 850 09 58 / structurella@schule-samedan.ch